Beth yw Cydlynydd Gwaith Taith Bywyd?

Mae’r Cydlynydd Gwaith Taith Bywyd yn gweithio gyda theuluoedd i ddatblygu deunyddiau Taith Bywyd i helpu plant a phobl ifanc i ddeall eu stori trwy sgwrs agored.

Yng Ngwasanaeth Mabwysiadu Gogledd Cymru mae gennym weithiwr cymdeithasol Gwaith Taith Bywyd a’i rôl yw helpu i wella darpariaeth, cynnwys a defnydd Llyfrau Taith Bywyd i blant sy’n mynd i’w mabwysiadu.

Gwneir hyn trwy ddarparu cefnogaeth i weithwyr cymdeithasol, mabwysiadwyr, gofalwyr maeth a phlant er mwyn cyflawni’r deunydd Taith Bywyd gorau posibl i’r plentyn neu’r person ifanc hwnnw.

Mae’r Gwaith Taith Bywyd yn elfen hanfodol o fabwysiadu ac mae’n sylfaenol i blant, pobl ifanc a’u teuluoedd ddeall eu straeon ac i gael sgwrs agored barhaus i’r plentyn a’i deulu am eu stori trwy gydol eu hoes.