A allaf fabwysiadu?

Os oes gennych le yn eich calon a’ch cartref, yna mae pob siawns y gallwch chi fabwysiadu. Rydym yn croesawu ceisiadau gan bawb waeth beth fo’u statws perthynas, rhywioldeb, credoau neu ethnigrwydd. Os oes gennych yr hyblygrwydd a’r gwytnwch i roi cartref hapus i blentyn – neu blant – byddem wrth ein bodd yn clywed gennych.

Fel man cychwyn ar gyfer mabwysiadu, rhaid:

• Gallu darparu cartref diogel a sefydlog i blentyn
• Bod yn 21 oed o leiaf – ond does dim terfyn oedran uchaf
• Bod yn byw yn y DU
• Peidio â chael unrhyw rybuddion nac euogfarnau yn erbyn plentyn (mae’r un peth yn berthnasol i unrhyw aelodau eraill o’ch cartref)
• Bod wedi gorffen triniaeth ffrwythlondeb fwy na 6 mis yn ôl
• Bod â pherthynas gref, sefydlog a pharhaus os ydych chi gyda phartner

Os oes gennych unrhyw gwestiynau neu os hoffech sgwrsio mwy am eich amgylchiadau, cysylltwch â ni.